Tag Archives: திடியன் மலை
கைலாசநாதர் திருக்கோயில், திடியன் மலை
அருள்மிகு கைலாசநாதர் திருக்கோயில், திடியன் மலை (உசிலம்பட்டி), மதுரை மாவட்டம்.
+91- 4552 – 243 235, 243 597, 94425 – 24323
காலை 7 மணி முதல் 10 மணி வரை, மாலை 4 மணி முதல் இரவு 8 மணி வரை திறந்திருக்கும். திருவிழா மற்றும் விசேஷ நாட்களில் அதிகாலையிலேயும் நடை திறந்திருக்கும்.
| மூலவர் | – | கைலாசநாதர் | |
| உற்சவர் | – | நடராஜர் | |
| அம்மன் | – | பெரியநாயகி | |
| தல விருட்சம் | – | நெய்கொட்டா மரம் | |
| தீர்த்தம் | – | பொற்றாமரைக்குளம் | |
| ஆகமம் | – | 1000-2000 வருடங்களுக்கு முன் | |
| ஊர் | – | திடியன் மலை | |
| மாவட்டம் | – | மதுரை | |
| மாநிலம் | – | தமிழ்நாடு |
இராவணனின் கொடூர ஆட்சிக்கு முடிவு கட்டிய இராமபிரான் ஆட்சிப்பொறுப்பேற்ற பின்பு அசுவமேத யாகம் செய்தார். யாகத்தின் போது, அவரது பட்டத்துக் குதிரை செல்லும் வழியில் எங்கெல்லாம் ஒய்வு எடுக்கிறதோ அங்கெல்லாம் ஒர் காசிலிங்கம் வைத்து பிரதிஷ்டை செய்யப்பட்டு வணங்கப்பட்டது. அவ்வாறு ஒர் நாள் அவரது பட்டத்துக் குதிரை தற்போது கோயில் அமைந்திருக்கும் பகுதி்க்கு அருகே உள்ள மலையின் அடிவாரப்பகுதியில் அமைந்துள்ள ஒர் பொற்றாமரைக் குளத்தின் கரையில் அமர்ந்து ஓய்வெடுத்தது. ஆகவே அவ்விடத்தில் காசிலிங்கம் வைத்து பிரதிஷ்டை செய்யப்பட்டு பூஜை செய்யப்பட்டது.
பின்னர் இப்பகுதியை ஆட்சி செய்த மன்னர்கள் காசிலிங்கம் பிரதி்ஷ்டை செய்யப்பட்ட இடத்தில் தினியே கோயிலைக்கட்டி வழிபாடு நடத்தியதாக வரலாறுகள் தெரிவிக்கின்றன.
