Tag Archives: எமனேஸ்வரம்
எமனேஸ்வரமுடையார் திருக்கோயில், எமனேஸ்வரம் – பரமக்குடி
அருள்மிகு எமனேஸ்வரமுடையார் திருக்கோயில், எமனேஸ்வரம் – பரமக்குடி, ராமநாதபுரம் மாவட்டம்.
+91- 94860 13533
காலை 6 மணி முதல் 11 மணி வரை, மாலை 4.30 மணி முதல் இரவு 8.30 மணி வரை திறந்திருக்கும்.
| மூலவர் | – | எமனேஸ்வரமுடையார் | |
| உற்சவர் | – | பிரதோஷநாயனார் | |
| அம்மன் | – | சொர்ணகுஜாம்பிகை | |
| தல விருட்சம் | – | வில்வம் | |
| தீர்த்தம் | – | எமதீர்த்தம் | |
| ஆகமம் | – | சிவாகமம் | |
| பழமை | – | 500-1000 வருடங்களுக்கு முன் | |
| புராணப் பெயர் | – | எமனேஸ்வரம் | |
| ஊர் | – | பரமக்குடி | |
| மாவட்டம் | – | ராமநாதபுரம் | |
| மாநிலம் | – | தமிழ்நாடு |
சிவபக்தனான மார்க்கண்டேயர், அற்ப ஆயுளில் உயிர் பிரியும்படியான வரம் பெற்றிருந்தார். அவரது இறுதிக்காலத்தில் எமதர்மன், அவரது உயிரை எடுக்க வந்தார். அப்போது மார்க்கண்டேயர், சிவத்தலங்களுக்கு யாத்திரை சென்றார்.
திருக்கடையூர் தலத்திற்கு அவர் சென்றபோது, எமன் பாசக்கயிறை வீசினான். அவ்வேளையில் அவர், சிவபெருமானை தழுவிக்கொள்ளவே பாசக்கயிறு லிங்கத்தின் மீது விழுந்தது. பணியை சரியாக செய்யாத எமதர்மனை, சிவபெருமான் இடது காலால் எட்டி உதைத்தார்.
