Tag Archives: திரிசூலம்
திரிசூலநாத சுவாமி திருக்கோயில், திரிசூலம்
அருள்மிகு திரிசூலநாத சுவாமி திருக்கோயில், திரிசூலம், காஞ்சிபுரம் மாவட்டம்.
+91- 44 – 2264 2600, 94447 36290.
காலை 7 மணி முதல் 11 மணி வரை, மாலை 4 மணி முதல் இரவு 8.30 மணி வரை திறந்திருக்கும்.
| மூலவர் | – | திரிசூலநாதர்(திரிச்சுரமுடையார்) | |
| உற்சவர் | – | சந்திரசேகரர் | |
| அம்மன் | – | திரிபுரசுந்தரி | |
| தல விருட்சம் | – | மரமல்லி | |
| தீர்த்தம் | – | பிரம்ம தீர்த்தம் | |
| ஆகமம் | – | காரணாகமம் | |
| பழமை | – | 500-1000 வருடங்களுக்கு முன் | |
| புராணப் பெயர் | – | திருச்சுரம் | |
| ஊர் | – | திரிசூலம் | |
| மாவட்டம் | – | காஞ்சிபுரம் | |
| மாநிலம் | – | தமிழ்நாடு |
பிரம்மா தனது படைத்தல் பணி சிறப்பாக நடப்பதற்காக, இலிங்கப் பிரதிஷ்டை செய்து நான்கு வேதங்களையும் சுற்றிலும் வைத்து பூஜை செய்தார். சிவபெருமானும் அவ்வாறே அவருக்கு அருள் செய்தார். இலிங்கத்தைச் சுற்றியிருந்த நான்கு வேதங்களும் மலைகளாக மாறின. மலைகளுக்கு இடைப்பட்ட பகுதியை, “சுரம்” என்பர். எனவே சிவன், “திருச்சுரமுடைய நாயனார்” என்றழைக்கப்பட்டு, பிற்காலத்தில் “திரிசூலநாதர்” ஆனார்.
கஜபிருஷ்ட விமானத்துடன் அமைந்த சன்னதிக்குள், சிவன் அருகில் சொர்ணாம்பிகை இருக்கிறாள். முன்பு பிரதான அம்பிகையாக இருந்த இவள், ஒரு அர்ச்சகரின் கனவில் தோன்றி சொன்னதின் அடிப்படையில், சிவனின் கருவறைக்குள்ளேயே பிரதிஷ்டை செய்யப்பட்டாள். பிரதான அம்பிகை திரிபுரசுந்தரி தனி சன்னதியில் காட்சி தருகிறாள்.
