Tag Archives: உமையாள்புரம்
காசிவிஸ்வநாதர் திருக்கோயில் , உமையாள்புரம்
அருள்மிகு காசிவிஸ்வநாதர் திருக்கோயில் , உமையாள்புரம், தஞ்சாவூர் மாவட்டம்.
+91- 435- 244 1095
காலை 5.30 மணி முதல் 10.30 மணி வரை, மாலை 4.30 மணி முதல் இரவு 8.30 மணி வரை திறந்திருக்கும்.
| மூலவர் | – | காசி விஸ்வநாதர் | |
| அம்மன் | – | குங்குமசுந்தரி | |
| தல விருட்சம் | – | வில்வம் | |
| தீர்த்தம் | – | காவிரி | |
| பழமை | – | 500-1000 வருடங்களுக்கு முன் | |
| ஊர் | – | உமையாள்புரம் | |
| மாவட்டம் | – | தஞ்சாவூர் | |
| மாநிலம் | – | தமிழ்நாடு |
படைப்புக் கடவுளான பிரம்மா கயிலாயம் சென்றபோது, அங்கிருந்த முருகனைக் கவனிக்காமல் சென்றார். முருகன் அவரை அழைத்து யார் என விசாரித்தபோது, “நானே படைப்புக்கடவுள்” என கர்வத்துடன் கூறினார். அவரது ஆணவத்தை அடக்க எண்ணிய முருகன், படைப்பிற்கு ஆதாரமான பிரணவ மந்திரத்தின் விளக்கம் கேட்க, அவர் தெரியாமல் விழித்தார். அவரிடமிருந்து படைக்கும் தொழிலைப் பறித்தார் முருகன். சிவபெருமானுக்கும் இதற்குரிய விளக்கம் தெரியவில்லை. எனவே, முருகன் தந்தைக்கே குருவாக இருந்து, அம்மந்திரப் பொருளை உபதேசித்தார். இந்த நிகழ்வு ஆறுபடை வீடுகளில் ஒன்றான சுவாமிமலையில் நிகழ்ந்தது.
