Category Archives: காஞ்சிபுரம்
தர்மேஸ்வரசுவாமி திருக்கோயில், மணிமங்கலம்
அருள்மிகு தர்மேஸ்வரசுவாமி திருக்கோயில், மணிமங்கலம், காஞ்சிபுரம் மாவட்டம்.
+91- 44 – 2717 8157, 98400 24594
காலை 8 மணி முதல் 10 மணி வரை, மாலை 5 மணி முதல் இரவு 6 மணி வரை திறந்திருக்கும்.
| மூலவர் | – | தர்மேஸ்வரர் | |
| அம்மன் | – | வேதாம்பிகை | |
| தல விருட்சம் | – | சரக்கொன்றை | |
| தீர்த்தம் | – | சிவபுஷ்கரணி | |
| ஆகமம் | – | சிவாகமம் | |
| பழமை | – | 500-1000 வருடங்களுக்கு முன் | |
| புராணப் பெயர் | – | வேதமங்கலம் | |
| ஊர் | – | மணிமங்கலம் | |
| மாவட்டம் | – | காஞ்சிபுரம் | |
| மாநிலம் | – | தமிழ்நாடு |
முற்காலத்தில் இப்பகுதியை பல்லவ மன்னன் ஒருவன் ஆண்டு வந்தான். சிவபக்தனான அம்மன்னன், தானதர்மங்கள் செய்வதில் சிறந்தவனாகத் திகழ்ந்தான். அவனுக்கு நீண்ட நாட்களாக, சிவாலயம் எழுப்பி வழிபட வேண்டுமென்ற ஆசை இருந்தது. ஆனால், எவ்விடத்தில், எப்படி கோயில் அமைப்பது என அவனுக்குத் தெரியவில்லை.
ஒருசமயம் சிவன், அடியார் வேடத்தில் அவனிடம் சென்றார். தான் பரம ஏழை என்றும், தனக்கு ஏதாவது தர்மம் செய்யும்படியும் வேண்டி நின்றார். மன்னன், அவருக்கு தானம் செய்ய முயன்றான்.
அருள்மிகு தழுவக்கொழுந்தீஸ்வரர் திருக்கோயில், படப்பை
அருள்மிகு தழுவக்கொழுந்தீஸ்வரர் திருக்கோயில், படப்பை, காஞ்சிபுரம் மாவட்டம்.
+91- 99414 37183
காலை 6 மணி முதல் 10.30 மணி வரை, மாலை 4.30 மணி முதல் இரவு 8.30 மணி வரை திறந்திருக்கும்.
| மூலவர் | – | தழுவக்கொழுந்தீஸ்வரர் (தழுவக்குழைந்தீஸ்வரர்) |
| உற்சவர் | – | சோமாஸ்கந்தர் |
| அம்மன் | – | காமாட்சி |
| தல விருட்சம் | – | மாமரம் |
| ஆகமம் | – | சிவாகமம் |
| பழமை | – | 500 வருடங்களுக்கு முன் |
| ஊர் | – | மேல்படப்பை |
| மாவட்டம் | – | காஞ்சிபுரம் |
| மாநிலம் | – | தமிழ்நாடு |
கைலாயத்தில் ஒருசமயம் சிவனின் கண்களை, பார்வதி விளையாட்டாக மூடவே, உலக இயக்கம் நின்றது. இதனால் கோபம் கொண்ட சிவன், அம்பிகையை பூலோகத்தில் மானிடப்பெண்ணாக பிறக்கும்படி சபித்து விட்டார். வருந்திய அம்பிகை சிவனிடம், சாபத்திற்கு விமோசனம் கேட்டாள்.
பெருமானும் கருணையுடன், தென்திசையில் விளங்கும் காஞ்சி என்ற புண்ணிய பூமியில், கம்பா நதிக்கரையில் மாவடியில் தமது இருக்கையுள்ளது எனவும், அங்கு சென்று வழிபடுமாறும், அப்போது தாம் வெளிப்பட்டு அம்பிகையை ஆட்கொள்வதாகவும் அருளினார்.
அகிலாண்டநாயகியும் அவ்வாறே காஞ்சிக்குச் சென்று, அனுதினமும் கம்பா நதியில் திருமஞ்சன நீர் எடுத்து மெய்யன்புடன் சிவாகம முறைப்படி பூஜைகள் செய்தார். இதனைக் கண்ட ஸ்வாமி திருவுள்ளம் மகிழ்ந்து, தன்மீது அம்பாள் கொண்டுள்ள பக்தியை வெளியுலகுக்கு எடுத்துக்காட்ட, சிறு திருவிளையாடல் புரிந்தார்.
