Tag Archives: விராலிப்பட்டி
மகாலிங்கேஸ்வரர் திருக்கோயில், விராலிப்பட்டி
அருள்மிகு மகாலிங்கேஸ்வரர் திருக்கோயில், விராலிப்பட்டி, ஒடுக்கம் தவசி மேடை, நத்தம் வழி, திண்டுக்கல் மாவட்டம்.
+91 93624 05382
காலை 6 மணி முதல் மாலை 6 மணி வரை திறந்திருக்கும்.
| மூலவர் | – | மகாலிங்கேஸ்வரர் | |
| அம்மன் | – | மரகதவல்லி, மாணிக்கவல்லி | |
| பழமை | – | 1000-2000 வருடங்களுக்கு முன் | |
| ஊர் | – | விராலிப்பட்டி | |
| மாவட்டம் | – | திண்டுக்கல் | |
| மாநிலம் | – | தமிழ்நாடு |
சீதையை மீட்டு அயோத்தி திரும்பிய இராமர், தேவ குருவின் புத்திரரான பரத்வாஜரை சந்தித்தார். அவரது உபசரிப்பை ஏற்றார். அவர்களுடன் ஆஞ்சநேயரும் வந்திருந்தார். அப்போது, தனக்கு உதவிய ஆஞ்சநேயருக்கு மரியாதை செய்யும்விதமாக, தனக்கு உணவு பரிமாறிய இலையின் நடுவில் ஒரு கோடு போட்டார். ஒரு பக்கத்திலிருந்த உணவை அவரை உண்ணும்படி பணித்தார்.
இந்நிகழ்விற்குப் பிறகுதான் வாழை இலையின் நடுவில் கோடு வந்ததாக கர்ண பரம்பரைக் கதை ஒன்று கூறுகிறது. இத்தகு சிறப்பு மிக்க பரத்வாஜர் இத்தலத்து மகாலிங்கேஸ்வரரை வழிபட்டதாகத் தலபுராணம் கூறுகிறது. மதுரையில் மீனாட்சியை பிரதிஷ்டை செய்த ஐந்து முனிவர்களில் இவரும் ஒருவர். இதனால் மீனாட்சிக்கு “பஞ்ச ராஜ மாதங்கி” என்றும் பெயர் ஏற்பட்டது.
