Tag Archives: கீழ்ப்பெரும்பள்ளம்
நாகநாதசுவாமி திருக்கோயில், கீழ்ப்பெரும்பள்ளம்
அருள்மிகு நாகநாதசுவாமி திருக்கோயில், (கேது தலம்), கீழ்ப்பெரும்பள்ளம், நாகப்பட்டினம் மாவட்டம்.
+91- 4364 – 260 051, 260 582, 260 088, 94435 64642
| மூலவர் | – | நாகநாதர் | |
| உற்சவர் | – | சோமாஸ்கந்தர் | |
| அம்மன் | – | சவுந்தர்யநாயகி | |
| தல விருட்சம் | – | மூங்கில் | |
| தீர்த்தம் | – | நாகதீர்த்தம் | |
| ஆகமம் | – | காமிகம் | |
| பழமை | – | 1000-2000 வருடங்களுக்கு முன் | |
| ஊர் | – | கீழப்பெரும்பள்ளம் | |
| மாவட்டம் | – | நாகப்பட்டினம் | |
| மாநிலம் | – | தமிழ்நாடு |
தேவர்களும், அசுரர்களும் அமுதம் பெற, பாற்கடலை கடைந்தபோது வாசுகி என்ற நாகத்தைக் கயிறாகப் பயன்படுத்தினர். தொடர்ந்து பாற்கடலை கடைந்ததால் வாசுகி பலவீனமடைந்தது. ஒருகட்டத்தில் களைப்பால் விஷத்தை உமிழ்ந்தது. பயந்து போன தேவர்கள் சிவனிடம் முறையிட்டனர். அவர் விஷத்தை விழுங்கி, தேவர்களைக் காப்பாற்றினார். தனது விஷத்தை, சிவன் விழுங்க வேண்டிய நிலை ஏற்பட்டதற்காக வாசுகி வருந்தியது. சிவஅபச்சாரம் செய்ததற்கு பிராயச்சித்தமாக தவமிருந்தது.
வாசுகிக்கு காட்சி தந்த சிவன், பாவ விமோசனம் கொடுத்ததோடு, அதன் தியாக உணர்வைப் பாராட்டினார். அப்போது வாசுகி, தனக்கு அருள் செய்த கோலத்தில், தனக்கு காட்சி கொடுத்த இடத்தில் எழுந்தருள வேண்டும் என்று வேண்டியது. அதன் வேண்டுதலை ஏற்ற சிவன், நாகத்தின் பெயரைத் தாங்கி, “நாகநாதர்” என்ற பெயருடன் இத்தலத்தில் அமர்ந்தார்.
இக்கோயிலில் கேது பகவானுக்கு இராகுகாலம் மற்றும் எமகண்டத்தில் விசேஷ அபிஷேகம் மற்றும் பூஜை நடக்கிறது.
 |
 |
 |
 |
 |
 |
 |
 |
