Tag Archives: ஓ.சிறுவயல்
அருள்மிகு பொன்னழகியம்மன் திருக்கோயில், ஓ.சிறுவயல்
அருள்மிகு பொன்னழகியம்மன் திருக்கோயில், ஓ.சிறுவயல் – 630 208 சிவகங்கை மாவட்டம்.
********************************************************************************************************
+91- 4577 – 264 778 (மாற்றங்களுக்குட்பட்டது)
காலை 6 மணி முதல் 12 மணி வரை, மாலை மணி 4.30 முதல் இரவு 7.30 மணி வரை திறந்திருக்கும்.
| மூலவர் | – | பொன்னழகியம்மன் |
| அம்மன் | – | அழகியநாயகி |
| தல விருட்சம் | – | மகிழம் |
| தீர்த்தம் | – | அம்பாள் தெப்பம் |
| பழமை | – | 500-1000 வருடங்களுக்கு முன்பு |
| ஊர் | – | ஓ.சிறுவயல் |
| மாவட்டம் | – | சிவகங்கை |
| மாநிலம் | – | தமிழ்நாடு |
முன்னொரு காலத்தில் இப்பகுதி அடர்ந்த காடாக இருந்தது. ஒருசமயம் இக்காட்டில் சிலர் கவளக்கிழங்கு தோண்டும் பணியை செய்து கொண்டிருந்தனர். அப்போது, ஒரு கிழங்கின் மீது கத்தி பட்டு ரத்தம் வெளிப்பட்டது.
பயந்த தொழிலாளர்கள் ஊர் மக்களிடம் இதனை தெரிவித்தனர். மக்கள் சென்று பார்த்தபோது அம்பாள் சுயம்புவாக இருந்ததைக் கண்டு, இவ்விடத்தில் கோயில் கட்டினர்.
கோயிலுக்கு முன்புறம், சிறிய கல்வடிவில், “கல்லுச்சியம்மன்” காவல் தெய்வமாக இருக்கிறாள். இவளுக்கு குங்கும அர்ச்சனை செய்வது விசேடம்.
அனுமான் இராமனை வணங்கிய நிலையிலும், பக்தர்களுக்கு அருள்பாலிப்பது போன்ற அபய ஹஸ்த நிலையிலும் பல இடங்களில் பார்த்திருப்பீர்கள். ஆனால், ராமனின் திருப்பாதத்தை சரணடைந்து, அவரது பாதங்களை பிடித்த நிலையிலுள்ள அனுமானை சிவகங்கை மாவட்டம் ஓ.சிறுவயலில் உள்ள பொன்னழகியம்மன் கோயிலில் தரிசிக்கலாம்.
