Tag Archives: செமினரி ஹில்ஸ்
அருள்மிகு பாலாஜி கார்த்திகேயன் திருக்கோயில், செமினரி ஹில்ஸ்
அருள்மிகு பாலாஜி கார்த்திகேயன் திருக்கோயில், செமினரி ஹில்ஸ், நாக்பூர் மாவட்டம், மகாராஷ்டிர மாநிலம்.
காலை 6 மணி முதல் 11 மணி வரை, மாலை 4 மணி முதல் இரவு 8 மணி வரை திறந்திருக்கும்.
| மூலவர் | – | முருகப்பெருமான், வெங்கடேசப் பெருமாள் | |
| அம்மன் | – | வள்ளி, தெய்வானை | |
| பழமை | – | 1000 வருடங்களுக்கு முன் | |
| ஊர் | – | செமினரி ஹில்ஸ் | |
| மாவட்டம் | – | நாக்பூர் | |
| மாநிலம் | – | மகாராஷ்டிரா |
நாக்பூரில் மோதிபாக் ரயில்வே காலனி இருக்கிறது. காலனியின் மைதானத்தில் ஒரு வேல் நடப்பட்டு பூஜை நடந்து வந்தது. அப்பகுதியிலுள்ள தமிழர்கள் ஒருங்கிணைந்து சிறிய கோயில் ஒன்றை அந்த இடத்தில் உருவாக்கினர். இடப்பிரச்னை காரணமாக அங்கிருந்த கோயில் செமினரி ஹில்ஸ் என்ற மேடான இடத்தில் கட்டப்பட்டது. அந்த பகுதி சேட்கள் ஒன்றிணைந்து இந்த கோயிலை எழுப்பினர். தமிழகத்திலிருந்து வள்ளி தெய்வானையுடன் கூடிய முருகன் சிலை, நவக்கிரகங்கள் ஆகியவை வரவழைக்கப்பட்டு அங்கு பிரதிஷ்டை செய்யப்பட்டன.
பின்னர் சேட்களின் கோரிக்கையின் பேரில் கோயிலை இரண்டு தளங்களாக அமைக்க முடிவு செய்தனர். கீழே பாலாஜியும், மேல் தளத்தில் முருகப் பெருமானையும் ஸ்தாபனம் செய்ய முடிவெடுத்தனர்.
