Tag Archives: மலைக்கோட்டை
அருள்மிகு தாயுமானவசுவாமி திருக்கோயில், மலைக்கோட்டை, திருச்சி
அருள்மிகு தாயுமானவசுவாமி திருக்கோயில், மலைக்கோட்டை, திருச்சி, திருச்சி மாவட்டம்.
+91- 431 – 270 4621, 271 0484, 270 0971
காலை 6 – மதியம் 12 மணி, மாலை 4 – இரவு 8.30 மணி வரையில் கோயில் திறந்திருக்கும். உச்சிப்பிள்ளையார் கோயில் காலை 6 – இரவு 8மணி வரை திறந்திருக்கும்.
| மூலவர் | – | தாயுமானவர் | |
| அம்மன் | – | மட்டுவார்குழலி | |
| தல விருட்சம் | – | வில்வம் | |
| தீர்த்தம் | – | பிரம்ம தீர்த்தம் | |
| ஆகமம்/பூஜை | – | காரணம், காமீகம் | |
| பழமை | – | 1000 வருடங்களுக்கு முன் | |
| புராணப் பெயர் | – | சிரபுரம், மலைக்கோட்டை | |
| ஊர் | – | திருச்சி | |
| மாவட்டம் | – | திருச்சி | |
| மாநிலம் | – | தமிழ்நாடு | |
| பாடியவர்கள் | – | சம்பந்தர், அப்பர் |
வாயுபகவான், ஆதிசேஷனுக்கிடைய தங்களில் யார் பெரியவர் எனப் போட்டி வந்தது. ஆதிசேஷனை மீறி, கைலாய மலையை வாயு பகவான் பெயர்ப்பது என அவர்களுக்குள் போட்டி வைத்துக்கொண்டனர். அப்போது கைலாயத்தின் ஒரு பகுதி இத்தலத்தில் விழுந்தது. இம்மலையில், மூன்று தலைகளுடைய “திரிசிரன்” என்னும் அசுரன், சிவனை வேண்டித் தவமிருந்தான். பல்லாண்டுகள் தவமிருந்தும் சிவன், அவனை சோதிப்பதற்காக காட்சி தரவில்லை. எனவே, அசுரன் தனது இரண்டு தலைகளை அக்னியில் போட்டுவிட்டு, மூன்றாவது தலையையும் போடத்துணிந்தான். அப்போது அவனுக்குக் காட்சி தந்த சிவன், இழந்த இரு தலைகளை மீண்டும் பெற அருள் செய்தார். பின்பு, அசுரனின் வேண்டுதலுக்காக இங்கேயே எழுந்தருளினார்.
அசுரனின் பெயராலேயே, “திரிசிரநாதர்” என்று பெயர் பெற்றார். தலம் “திரிச்சிராமலை” என்று அழைக்கப்பட்டு, திருச்சி என மருவியது.
