Tag Archives: மேலப்பெருங்கரை
அட்டாள சொக்கநாதர் கோயில், மேலப்பெருங்கரை
அருள்மிகு அட்டாள சொக்கநாதர் கோயில், ராமேஸ்வரம் சாலை, மேலப்பெருங்கரை, ராமநாதபுரம் மாவட்டம்.
+91- 94420 47977, 99767 11487
காலை 7 மணி முதல் 12 மணி வரை, மாலை 5.30 மணி முதல் இரவு 7.30 மணி வரை திறந்திருக்கும்
| மூலவர் | – | அட்டாள சொக்கநாதர் | |
| உற்சவர் | – | பிரதோஷ நாயனார் | |
| அம்மன் | – | அங்கயற்கண்ணி | |
| தல விருட்சம் | – | சரக்கொன்றை | |
| தீர்த்தம் | – | கிணறு | |
| ஆகமம் | – | காரணாகமம் | |
| பழமை | – | 500 வருடங்களுக்கு முன் | |
| ஊர் | – | மேலப்பெருங்கரை | |
| மாவட்டம் | – | ராமநாதபுரம் | |
| மாநிலம் | – | தமிழ்நாடு |
முற்காலத்தில் இப்பகுதி கடம்ப வனமாக இருந்தது. தர்மங்கள் பல செய்த ஒருவன், அறியாமல் சில தவறுகள் செய்ததால் கரிக்குருவியாகப் பிறந்திருந்தான். பிற பறவைகளால் துன்புறவே, வருத்தமடைந்த கரிக்குருவி இப்பகுதிக்கு வந்தது. ஒரு மரத்தில் அமர்ந்து தனக்கு உண்டான நிலைக்கு விமோசனம் கிடைக்க வழி கிடைக்காதா? என்ற வருந்தியது. அம்மரத்தின் அடியில் முனிவர் ஒருவர், தன் சீடர்களுக்கு சிவனைப் பற்றி உபதேசம் செய்து கொண்டிருந்தார். அப்போது,”எப்பேர்ப்பட்ட பாவம் செய்தவராக இருந்தாலும், மதுரைத் தலத்தில் உறையும் சொக்கநாதர் அருள் இருந்தால் பாவ விமோசனம் கிடைக்கும்” என்றார்.
