Tag Archives: கற்பகநாதர் குளம்
அருள்மிகு கற்பகநாதர் திருக்கோயில், கற்பகநாதர் குளம்
அருள்மிகு கற்பகநாதர் திருக்கோயில், கற்பகநாதர் குளம், தொண்டியக்காடு வழி, திருவாரூர் மாவட்டம்.
+91- 4369 – 240 632 (மாற்றங்களுக்குட்பட்டது)
காலை 6 மணி முதல் 12 மணி வரை, மாலை 5 மணி முதல் இரவு 8 மணி வரை திறந்திருக்கும்.
| மூலவர் | – | கற்பக நாதர் | |
| அம்மன் | – | பாலசுந்தரி | |
| தல விருட்சம் | – | பலா | |
| தீர்த்தம் | – | விநாயகர் தீர்த்தம் | |
| பழமை | – | 1000 வருடங்களுக்கு முன் | |
| புராணப் பெயர் | – | திருக்கடிக்குளம் | |
| ஊர் | – | கற்பகநாதர்குளம் | |
| மாவட்டம் | – | திருவாரூர் | |
| மாநிலம் | – | தமிழ்நாடு | |
| பாடியவர்கள் | – | சம்பந்தர் |
கார்த்திகாசுரன் என்ற அரக்கன் இத்தல இறைவனை வழிபாடு செய்து வரங்கள் பல பெற்றான். தான் வேண்டும் போதெல்லாம் கற்பக விருட்சம் போல வரங்களை அள்ளித்தந்த இறைவனுக்கு கோயில் கட்டி வழிபாடு செய்தான். இதனால் இத்தல இறைவன் “கற்பகநாதர்” என வழங்கப்படுகிறார். கற்பக விநாயகர் கற்பகநாதரை வழிபட்டு மாங்கனி பெற்றுள்ளார். இத்தல சிவபெருமான் 8 முக பட்டை இலிங்கமாக அருள்பாலிக்கிறார்.
இராமர் சேது சமுத்திரத்தில் பாலம் கட்டும் முன்பாக இத்தலம் வந்து கற்பக விநாயகரையும், கற்பகநாதரையும் வழிபாடு செய்ததாக புராணம் கூறுகிறது. இதன் காரணமாக கோதண்டராமர் கோயில் இத்தலத்தின் அருகே உள்ளது. ஒரு அந்தணர் தன் தந்தைக்கு பிதுர்கடன் செய்வதற்காக கொண்டு வந்த அஸ்தி இத்தலத்திற்கு வந்தவுடன் கொன்றை மலராக மாறியது என்பர். இத்தல விநாயகர் “மாங்கனி விநாயகர்” என்ற திருநாமத்துடன் அருள்பாலிக்கிறார்.
