Tag Archives: திருப்பட்டூர்
பிரம்மபுரீஸ்வரர் திருக்கோயில், திருப்பட்டூர்
அருள்மிகு பிரம்மபுரீஸ்வரர் திருக்கோயில், திருப்பட்டூர்(சிறுகனூர்), திருச்சி மாவட்டம்.
+91-94438 17385,98949 26090
காலை 7.30- மதியம் 12 மணி, மாலை 4- இரவு 8 மணி. வியாழனன்று காலை காலை 6- மதியம் 12.30 மணி.
| மூலவர் | – | பிரம்மபுரீஸ்வரர் | |
| அம்மன் | – | பிரம்மநாயகி (பிரம்ம சம்பத்கவுரி) | |
| தல விருட்சம் | – | மகிழமரம் | |
| தீர்த்தம் | – | பிரம்ம தீர்த்தம் | |
| ஆகமம் | – | காரண ஆகமம் | |
| பழமை | – | 1000-2000 வருடங்களுக்கு முன் | |
| புராணப் பெயர் | – | திருப்பிடவூர், திருப்படையூர் | |
| ஊர் | – | திருப்பட்டூர் | |
| மாவட்டம் | – | திருச்சி | |
| மாநிலம் | – | தமிழ்நாடு |
பிரம்மன் இவ்வுலகத்தை படைக்கும் ஆற்றலை சிவனிடமிருந்து பெற்றிருந்தார். சிவன், தன்னைப் போலவே, பிரம்மனுக்கும் சம அந்தஸ்து கொடுக்கும் வகையில் ஐந்து தலைகளை அவருக்கு கொடுத்தார். படைப்புத் தொழிலில் அனுபவம் பெற்ற பிரம்மன், தன்னையும், சிவனையும் ஒன்றாகக் கருதி ஆணவம் கொண்டார். அவருக்கு பாடம் புகட்ட விரும்பிய சிவன்,”ஐந்து தலை இருப்பதால் தானே அஞ்சுதல் இல்லாமல் இருக்கிறாய்” எனக்கூறி, ஒரு தலையைக் கொய்து விட்டார். படைப்புத்தொழிலும் பறி போனது. நான்முகனான பிரம்மா, இறைவனிடம் தனது தவறுக்காக சாப விமோசனம் கேட்டார்.
