Tag Archives: சேவூர்
வாலீஸ்வரர் திருக்கோயில், சேவூர்
அருள்மிகு வாலீஸ்வரர் திருக்கோயில், சேவூர், கோயம்புத்தூர் மாவட்டம்.
+91- 99428 41439
காலை 6.30 மணி முதல் 12 மணி வரை, மாலை 4.30 மணி முதல் இரவு 7 மணி வரை திறந்திருக்கும்.
| மூலவர் | – | வாலீஸ்வரர் | |
| உற்சவர் | – | சோமாஸ்கந்தர் | |
| அம்மன் | – | அறம்வளர்த்தநாயகி | |
| ஆகமம் | – | சிவாகமம் | |
| பழமை | – | 500-1000 வருடங்களுக்கு முன் | |
| ஊர் | – | சேவூர் | |
| மாவட்டம் | – | கோயம்புத்தூர் | |
| மாநிலம் | – | தமிழ்நாடு |
சுந்தரரால் பதிகம் பெற்ற வைப்புத்தலம் இது.
சுக்ரீவனின் அண்ணன் வாலி, ஒரு தோஷ நிவர்த்திக்காக சில தலங்களில் சிவனை வழிபட்டார். அவ்வாறு அவரால் வழிபடப்பட்ட தலம் இது. வாலி வழிபட்டதால் இங்கு சிவன், “வாலீஸ்வரர்” என்று அழைக்கப்படுகிறார்.
சுவாமிக்கு இடப்புறத்தில் அம்பிகை அறம் வளர்த்த நாயகி, தனிச்சன்னதியில் இருக்கிறாள். இவ்விரு சன்னதிகளுக்கு நடுவில் பாலசுப்பிரமணியர் காட்சி தருகிறார். இவர் இடது கையில் சேவல் வைத்திருக்கிறார். பொதுவாக முருகன் தலங்களில் சுவாமி, கையில் சேவல் கொடிதான் வைத்திருப்பார். இங்கு சேவலை வைத்திருப்பது வித்தியாசமான அமைப்பு. இவரது பீடத்தில் சிம்மம் இருக்கிறது. வள்ளி, தெய்வானை உடன் இருக்கின்றனர். இங்கு நடராஜர் தனிச்சன்னதியில் காட்சி தருகிறார். இந்த மூர்த்தி மிகவும் விசேஷமானவர். விசேஷமான 5 தலத்து நடராஜர்களின் உருவத்தை ஒன்று சேர்த்து இந்த சிலை வடிக்கப்பட்டிருக்கிறது. இவருக்கு ஆருத்ராதரிசன விழா சிறப்பாக நடக்கிறது.
