Tag Archives: காளஹஸ்தி
அருள்மிகு காளத்தியப்பர் திருக்கோயில், காளஹஸ்தி
அருள்மிகு காளத்தியப்பர் திருக்கோயில், காளஹஸ்தி, சித்தூர் மாவட்டம், ஆந்திர மாநிலம்.
காலை 5 முதல் 12 மணி, மாலை 5 முதல் 9 வரை திறந்திருக்கும்.
| மூலவர் | – | காளத்தியப்பர், காளத்தீசுவரர் | |
| அம்மன் | – | ஞானப்பிரசுனாம்பிகை, ஞானப்பூங்கோதை, ஞானசுந்தரி | |
| தல விருட்சம் | – | வில்வம் | |
| தீர்த்தம் | – | பொன்முகலியாற்று தீர்த்தம் | |
| பழமை | – | 2000 வருடங்களுக்கு முன் | |
| புராணப் பெயர் | – | சீகாளத்தி | |
| ஊர் | – | காளஹஸ்தி | |
| மாவட்டம் | – | சித்தூர் | |
| மாநிலம் | – | ஆந்தர பிரதேஷம் | |
| பாடியவர்கள் | – | அப்பர், திருஞான சம்பந்தர், சுந்தரர் |
முன்பொரு காலத்தில் ஆதிசேஷனுக்கும் வாயுதேவனுக்கும் ஒரு போட்டி வந்தது. தம்மில் யார் பெரியவன் என்ற போட்டி. ஆதிசேஷன் வாயுதேவனிடம் சொன்னான்: “வாயுதேவனே! நான் கயிலாய மலையை என்னுடைய உடம்பால் சுற்றி, இறுக்கி மூடிக்கொள்வேன். நீ உன்னுடைய பலத்தால் மலைச் சிகரங்களைப் பெயர்த்தெறிந்தால் நீ பெரியவன் என்பதை ஒப்புக்கொள்வேன்.” போட்டி தொடங்கியது. ஆதிசேஷன் தன் ஆயிரம் தலைகளாலும் உடம்பாலும் வாலாலும் கயிலை மலையை இறுக்கி மூடி, மலையே தெரியாதபடி மறைத்துவிட்டார். வாயுதேவன் பலம் கொண்ட மட்டும் காற்றை வீசிப்பார்த்தும்கூட அசைக்க முடியவில்லை. பல நூறு ஆண்டுகளான பின் ஆதிசேஷன் லேசாக அசையவே அந்த நேரம் பார்த்து வாயுதேவன் தன் பலத்தைக்காட்ட, கயிலையில் இருந்து மூன்று சிகரங்கள் பெயர்ந்து கொண்டு புறப்பட்டன. தெற்கே வந்து விழுந்தன. அந்த மூன்றில் ஒன்றுதான் திருக்காளத்தி மலை என்கிறது புராணங்கள்.
 |
 |
 |
 |
