பாவங்கள் விலக

பாவங்கள், தற்பெருமை, சீற்றம், காம வெறி, பேராசை, பெருந்தீனி விருப்பம், பொறாமை, சோம்பல் ஆகியனவாம்.

மனதால் செய்யப்படும் பாவங்கள்:

பிறரது செல்வத்தையும் பொருளையும் விரும்புவது, பிறரிடம் இருப்பதைக் கண்டு ஏங்குவதும் ஆகும்.

பிற உயிர்கள் அழிந்துவிடக்கூடாதா என மனத்தால் நினைத்தல். எதிர்மறை எண்ணங்கள் கொண்டிருத்தல். அதாவது, ‘பிறருக்கு ஈவதால் எந்தப் புண்ணியமும் இல்லை‘; ‘இவ்வுலகத்தில் பாவங்களும் இல்லை, பரலோகமும் இல்லை‘ என்பது போன்ற எண்ணத்தைக் கொண்டிருத்தல்.

வாய் மூலம் செய்யப்படும் பாவங்களாவன:

தெரியாததை தெரியும் என்று கூறுதல்; காணாததைக் கண்டாதாகச் சொல்லுதல். இவ்வாறு சுய இலாபத்துக்காக பொய் பேசுதல் பாவச் செயலாகும்.

பிறருக்குத் துன்பம் ஏற்படுத்தும் விதமாகவும், கலகமூட்டும் நோக்கத்துடனும் கோள் சொல்லுதல் பாவம்.

பிறருக்கு வருத்தத்தையும், துன்பத்தையும் அளிக்கும் விதமாக கடுமையான மொழிகளால் பேசுதல். கெட்ட வார்த்தைகளைப் பிரயோகித்தல்.

பிரலாபித்தல் என்று சொல்லக்கூடிய சமயம் அறியாது பேசுதல்; உண்மையில்லாததைச் சொல்லுதல்; காரணமின்றி உளறுதல்; அர்த்தம் மற்றும் நியாயமற்ற பேச்சு.

இவைகள் விலக தானே தவறை உணர்ந்து திருந்தவேண்டும். அந்த மனப்பக்குவத்தை அடைய கீழ்கண்ட ஆலயங்களுக்குச் சென்று இறைவனை வழிபடுதல் ஒன்றே வழி.

பதவி உயர்வு பெற

பதவி உயர்வு பெற நீங்கள் தகுதியில் உயர்ந்தவராக இருத்தல் வேண்டும்; உயர்ந்த பதவியை நன்கு ஆளும் திறன் பெற்றிருத்தல் வேண்டும். அதற்குத் தயார் செய்துகொள்ளுங்கள். உங்களின் தகுதியை மற்றவர்களுக்கு நிரூபியுங்கள். அப்புறம் எப்பொழுதும்போல பின்கதவு வழியாகவும் முயலுங்கள். அதுதான்….காக்காய்பிடித்து வேண்டிய பதவி உயர்வு பெறலாம்; மேலதிகாரியின் மனைவியிடம் காணிக்கை கொடுத்தும் பதவி உயர்வு பெறலாம்; தொழிற்சங்கத் தலவர்களைக் காக்காய்பிடித்தும், காணிக்கை கொடுத்தும் பதவி உயர்வு பெறலாம். இல்லையெனில், கீழ்கண்ட ஆலயங்களுக்குச் சென்று இறைவனை வழிபட்டால் பதவி உயர்வு பெறலாம்.