கல்வித் தடை நீங்க

நாம் ஒழுங்காகப் படிக்கவேண்டிய பாடங்களை உணர்ந்து படிக்காததால், தேர்வு எழுதும்போது நினைவுக்கு வருவதில்லை. ஒரு 5 ஆண்டுகள் வினாத்தாள்களில் வந்துள்ள வினாக்களுக்கு விடையெழுதி, அதை நன்கு படித்து எழுதிப்பாருங்கள். குறை(arrears) உள்ள பாடங்களுக்கு கூடுதல் கவனம் செலுத்துங்கள். அத்துறையில் அன்றைய நடப்பு என்ன? எனத் தெரிந்து வைத்துக்கொள்ளவேண்டும். அத்துடன் கீழ்கண்ட ஆலயங்களுக்குச் சென்று இறைவனை வேண்டிக்கொள்ளலாம்.

பி.கு: ஓன்றை நன்கு எண்ணிப்பார்க்கவேண்டும். இத்தனை ஆலயங்களுக்குச் செல்லும் பொருட்செலவையும், கால விரயத்தையும் செய்யப்போகிறோமா? அல்லது அவ்விரண்டையும் பயன்படுத்தி (கிட்டினால்) arrearsஐ எழுதி தேர்வில் வெற்றி அடையப் போகிறோமா?

பொத்தாம் பொதுவில் இறைவனிடம் வேண்டிக்கொண்டு, சமயம் கிட்டும்பொழுது இவ்வாலயங்களுக்குச் சென்று வருவது புத்திசாலித்தனம் என்று படுகின்றது.

நீதி கிடைக்க

நீதி கிடைக்க நீதிமன்றம் சென்றால் 15 ஆண்டுகளுக்குமேல் காத்திருந்தாலும் நீதி கிடைக்குமா என்பது ஐயமே. சாட்சிக்காரன் காலில் விழுவதைவிட சண்டைக்காரன் காலில் விழுந்தாவது நமக்குள்ளே சண்டையைத் தீர்த்துக்கொள்ளுவது அறிவுடைய செயலாம். எல்லாம் மீறிப்போனால் காஞ்சிபுரம், மணிமங்கலத்திலுள்ள அருள்மிகு தர்மேஸ்வரர் திருக்கோயிலுக்குச் சென்று இறைவனிடம் முறையிடுங்கள். அப்பொழுதாவது நீதிகிட்டுமாவெனப் பார்ப்போம்.